Vitti na crozza

Ccà c’è lu testu di una dî cchiù famusi canzuni pupulari siciliani Vitti na crozza

“Vitti na crozza supra nu cannuni
fui curiusu e ci vozzi spiari
idda m’arrispunnìu cu gran duluri
muriu senza corpu di campani.”
“Vìnniru e si nni jeru li mè anni
vìnniru e si nni jeru ‘un sacciu unni
ora ca sù arrivatu a li ottant’anni
chiamu la vita e morti m’arrispunni.”

Certi versi foru misi sulu dopu l’anni ’60, quannu stu cantu di morti fu dipositatu a s.i.a.e. comu n’allegra polca cu carattirìsticu riturnellu chi però non havi pricidenti ntê virsioni cchiù tradizziunali.
Li virsioni cchiù famusi sunnu chidda di Rosa Balistreri (senza lu “riturnellu”, ntrodottu sulu ‘n picca virsioni), chidda sulu tambureddu e dui vuci di Alfio Antico e, chidda ‘n modu minuri e cchiù attinenti ô testu, di Carlo Muratori.